சமூகமட்ட வேளையில் இடைத்தட்டு மக்கள்

மக்கள் மயப்படுத்தப்பட்ட அநேக வேலைத்திட்டங்கள் அடித்தட்டு மக்களை (Grass root level community) மட்டுமே இலக்கு குழுவினராக (Target group) கொண்டு முன்னெடுக்கப்படுவதை காணமுடிகின்றது. இவ்வேலைத்திட்டங்களில் அநேகமானவை எதிர்பார்க்கும் பிரதிபலனை அடைவதில்லை என்பதுவே கருத்திட்டத்தின் இறுதி அறிக்கையாக அமைகின்றது. இதற்கு பிரதான காரணமாக குறித்த தரப்பாரின் சூழலியல் பின்னணிகளான பொருளாதாரம், கல்வி, சமூகவியல் மனோநிலை மற்றும் அடிப்படைவாதங்களை வகையீடு செய்யலாம். மேற்குறிப்பிட்ட காரணிகளில் காணப்படும் வெற்றிடம் இவர்களுக்கு அளிக்கப்படும் சலுகை, உரிமை விடயதானங்களில் எப்போதும் நாம் எதிர்ப்பார்க்கும் இலக்கு, நோக்கம் மற்றும் அடைவுகளை அடைவதில் சற்று சில்களை உண்டாக்கும் என்பது நிதர்சனமானதே. 

எந்தவொரு வரைபை நாம் எடுத்துக்கொண்டாலும் அதன் தொழிற்பாட்டியல் தளம் நடுப்பகுதியை அண்மித்த எல்லைப்பரப்பில் கணமுடியுமாகவிருக்கும். இந்த அடிப்படையில் சமூகமட்டத்தில் இயங்கியல் தரப்பினராக அடையாளம் காணப்படுபவர்கள் இடைத்தட்டு வரக்கத்தரே. அத்தோடு கல்வி, பொருளாதாரம், உரிமைசார் விடயங்கள், மிதவாத மற்றும் தர்க்க ரீதியிலான சிந்தனைப்பாங்கு, மக்களவை மனோவியல் போன்ற பண்புகளில் முனைப்புடன் அக்கறை செலுத்தும் நடைமுறை சாத்தியப்பாடான போக்கை இவர்களிடமே காணமுடியும். குறிப்பாக இந்த சமூகத்தை சார்ந்தவர்களே சமூகத்தின் பெரும்பாலான தளங்களில் வியாபித்து காணப்படுகின்றார்கள். 

மேற்படி சாராரை கொண்டு செய்யப்படும் எந்தவொரு முன்மொழிவுகளும் அதன் சுயாதீன தன்மையை விட்டு விலகுவது மந்தமாகவே காணப்படும். 

எனவே நாம் மேற்கொள்ளும் சமூகவியல் அபிவிருத்தி, முன்மொழிவுகள் மற்றும் கருத்திட்டங்களில் இலக்கு பிரிவினர் விடயத்தில் கூடிய கவனம் செலுத்தவேண்டும் என்பது சமகாலத்தில் எழுந்துள்ள பாரியதொரு நடைமுறைசார் சவாலாக அடையாளம் காணப்படுகின்றது...