மாற்றீடு அரசியல் கலாசாரம்

மாற்றீடு அரசியல் நகர்வுகள் குறித்தான எம் சமூகத்தின் தூரநோக்கு கொண்டு இலக்குகள் முன்வைக்கப்படாமையும் எமது பாரம்பரிய அரசியல் கலாசாரத்தில் பிடியில் இருந்து விடுபடாமைக்கான முக்கிய காரணியாக தொழிற்பட்டு வருகின்றது. பேரம்பேசும் அரசியல் வலுவை நாம் இன்றும் ஒரு பேச்சளவு உபயோக அரசியல் ஏமாற்று நாடகத்திற்கே ஆதரவளிக்கும் நவீன முட்டாள் குடித்தொகையாக அடையாளப்படுத்தும் போக்குகள் எப்போது மீள் ஒழுங்குபடுத்தப்படப்போகின்றதோ தெரியவில்லை. உண்மையில் அதற்கான் சாத்தியகூறுகள் எம்மத்தியில் இருக்கின்றதா என்பது கூட இப்போது சந்தேகமாகவோ உள்ளது...
பொதுவெளியில் சமூக அக்கறையோடு தன்னை அடையாளம் காட்டியபோதும் உண்மையில் பலர் உள்ளார்ந்த ரீதியில் மிகப்பெரும் சுயநல இரண்டாம் முகம் ஊறியபடியே உலவுகின்றனர் எமத்தியில்... இக்குறித்த பண்பியல் தனிப்பட்ட விருப்பு, வெறுப்பு மற்றும் அனுகூலங்களையும், அதிகார அடைவுகளையும் பெற்றுக்கொள்வதில் கவனக்குவிப்பு செய்வதுவே எம்மால் பல நீடித்த சமூக அபிவிருத்தி மாற்றங்களை மக்கள் மத்தியில் பரவலாக்கம் செய்வதில் பெரும் இடைமறிப்பாக தொழிற்படுகின்றது.
தனிமனித சுயநல விடுதலை சமூக விடுதலைக்காக ஒருபுள்ளியில் ஒன்றிணைக்கப்படும் தருணமே சமூக அரசியல் மறுமலர்ச்சிக்கு உந்துகோலாக அமையும். இந்த விடுதலை முதலில் அரசியல் மாற்றுக் கலாசார நடத்தைக்கு கைகோர்க்கும் விதமாக திட்டமிடப்படல் மூலமாகவே தொடங்கி வைக்கமுடியும்...
"விடுதலை என்பது உன்னை உன்னில் இருந்து விடுவிப்பது" என்ற Zikra Nawhal இன் கூற்றுக்கு ஒப்பாகும் இந்த மாற்று அரசியல் கலாசாரம்...