மதவாதமும் அறிவியல் அடைவுகளும்...

அதீத மதவாதம் என்பது ஒருவகை புற்றுநோய். மிதவாத சிந்தனையைத்தான் அநேக மாதங்கள் தங்களின் மூலக்கொள்கையாக விபரிக்கின்றன. பாசம், சமாதானம், ஐக்கியம் மற்றும் மனிதம் என்ற நான்கு அடிப்படை தூண்களைக் கொண்டே எல்லா மதங்களின் அனைத்து கடமை, கலாசாரம், கட்டுப்பாடு, கடவுள் நம்பிக்கையும் கோட்பாடும் கட்டியெழுப்பப்பட்டுள்ளது. இந்த அடிப்படையில் சமுதாய வாழ்வியலில் பின்பற்றப்படவேண்டிய இறையியல் நம்பிக்கைசார் மதவாதம் என்பது எல்லை மீறி மதத்தீவிரவாதத்தை ஊக்குவிப்பதாய் மாறிவிடக்கூடாது.

கிருஸ்துவ வளர்ச்சியின் பின்னர் அதன் பற்றாளர்கள் தங்கள் மதத்தை மேன்மை தங்கிய மாதமாக பிரகடனப்படுத்தினார். இதனால் அக்காலத்தில் பின்பற்றப்பட்டு வந்த யூதா கொள்கை மதவாதப் போரை தூண்டியது. கொன்ஸ்தாந்து நோபிளை மையமாக்கொண்டு உலகம் பூராகவும் இந்த மத அடிப்படைவாதம் போதிக்கப்பட்டு உலகம் முழுவதும் ஒன்றே குலம் ஒருவனே தேவன் என்ற கொள்கை பிரகடனம் வலுக்கட்டாயமாக திணிக்கப்பட்டது.

இந்த தொடர்ச்சியின் பின்விளைவு நிறுவப்பட்ட அறிவியலையும் மதத்தோடு மட்டுப்படுத்த முயற்சித்தமை. இதனை சேர் ஐஸாக் நியூட்டன், கலிலியோ கலீலீ, டாவின்சி போன்ற சிந்தனைவாதிகள் அக்காலத்தின் அதிகாரமிக்க திருச்சபை மற்றும் அரசசபையில் கூட எதிர்ப்பலையை உண்டாகினார்கள்.

"மனிதம் தாண்டிய மதம் என்பது முட்டாள்களின் வாதம்" என்ற Zikra Nawhal இன் கூற்றை இங்கே அடிப்படையாக்கொண்டு இந்நாட்களில் உலகளாவிய ரீதியாக மனித இனம் எதிர்கொண்டுள்ள சவாலை இறையியல் வேதங்கள் வலியுறுத்தும் மனித மான்புநில. பண்புகள், நம்பிக்கை ரீதியில் அணுகுவதே உசிதம். சிந்தனை ரீதியாக போராடவேண்டிய சமூகம் நாம். ஆனால் நாம் உணர்ச்சிநிலைகளுக்கும், மதக்கோட்பாடுகளும் முன்னிலைப்படுத்துவதன் காரணமாக முட்டாள் சமூகமாக எம்மை நாம் அடிக்கடி நிரூபித்துக்கொண்டு இருக்கிறோம். அதுமட்டுமல்லாது எமக்கு சம்மந்தமே இல்லாத விடயங்களில் தலைபோடுகிறோம். இன்னும் அடுத்தவொரு சமூக பிரச்சினை எம்மை பேசுபொருளாக்கும் வரையே எமது ஆவேசமும், ஆக்ரோஷமான மார்க்க பற்றுதலும் பரவச நிலைகளும் காணக்கூடியாதகவுள்ளது...

"உங்களுக்குச் சிறிது ஞானம் இருந்த விஷயங்களில் இதுவரை நீங்கள் தர்க்கம் செய்து கொண்டிருந்தீர்கள்; அப்படியிருக்க உங்களுக்குச் சிறிதுகூட ஞானம் இல்லாத விஷயங்களில் ஏன் விவாதம் செய்ய முற்படுகிறீர்கள்?" (அல்-குர்ஆன் 3:66)