முஸ்லிம் தனியார் சட்ட சீர்திருத்தம்

இலங்கை முஸ்லிம்களின் விவாக, விவாகரத்துச் தனியார் சட்டத்தின் புதிய சீர்திருத்தங்கள்
இதுவரை காலமும் பல்வேறு தரப்பினரினால் பல்வேறு மட்டங்களில் அழுத்தம் கொடுக்கப்பட்டு விவாதத்திற்கு முறைபாட்டு உடன்பாடுகளுக்கும் மத்தியில் ஒரு முடிவினை எட்டியுள்ளது இலங்கை முஸ்லிம்களின் தனியார் சட்டத்தின் திருமண மற்றும் விவாகரத்து தொடர்பான சிக்கல்கள்...
அமைச்சரவை அங்கீகரித்துள்ள மாற்றங்கள்
👉 திருமண வயது ஆண் பெண் இருபாலாருக்கும் 18 வயதிற்குக் குறையாமல் இருத்தல்.
அதே நேரம் 16-18 வயதுடையவர் களுக்கு காதியின் அனுமதியைப் பெற்று (சந்தர்ப்ப சூழ்நிலையை கருத்தில் கொண்டு) திருமணம் நடைபெறலாம்.
👉 தற்போது அமுலிலுள்ள வலியோடு சேர்த்து மணமகளின் அனுமதியும் பெறப்படல் வேண்டும்.
👉 நிகாஹ் நடைபெறும் அதே நேரத்தில் விவாகப் பதிவும் (Registration) இடம்பெறுவதும் கட்டாயமாகும்.
👉 இரண்டாம், மூன்றாம், நான்காம் திருமணம் செய்யும் போது, முதல் மனைவியின் சம்மதம் பெறப்பட்டு இருப்பது அவசியம்.
அது இல்லாதபோது, முதல் மனைவிக்கு தனது கணவனை "பஸஹ்" முறைப்படி விவகரத்துச் செய்ய உரித்துள்ளதாகக் கருதப்படும்.
👉 காதியாக நியமிக்கப்படுபவர் ஒரு சட்டத்தரணியாக இருப்பது அவசியம்.
👉 காதி நீதிமன்றம் என்ற பெயருக்கு பதிலாக திருமண மேன் முறையீட்டு சபை ( கொமிஷன்) என பெயர் மாற்றப்பட வேண்டும்.
👉 விவாகப்பதிவாளராக ( Registrar of Marriage) ஆக பெண்களை நியமிக்க முடியும்.
👉 காதி மேன்முறையீடுகளை விசாரிக்கும் சபைக்கு (Board of Qazi) பெண் அங்கத்தவர்களையும் நியமிக்கலாம்.