பிளாஸ்மா என்றா என்ன? What is plasma?

மனித வாழ்வில் தடம் பதிக்கும் புதிய சடப்பொருள் பிளாஸ்மா... (The growing new technology is plasma)
இதுவரைக்கும் நாங் சடப்பொருள் வகை எத்தன என்னனென்ன எண்டு கேட்டா.... உடனே திண்மம், திரவம், வாயு என்று மழைகாலத்து தவளைபோல கத்துவோம்.
ஆனால் சடப்பொருள் வகையில் இன்னொன்றும் உள்ளது. அதான் பிளாஸ்மா (Plasma)

பிளாஸ்மா என்றால் என்ன?
அதற்கு முன்னர் ....
உலகில் திண்மம், திரவம், வாயு நிலைபற்றி சற்று சுருக்கமாக நோக்கி பின்னர் பிளாஸ்மா பற்றி பேசினால் தெளிவு இலகுவாக கிடைக்கும்.
சடப்பொருள் (Matter) அடிப்படை கட்டமைப்பு அலகாக அணு (Atom) காணப்படும். அணுக்களின் ஒழுங்கமைப்பு பொறுத்தே சடப்பொருள் தன்மை வேறுபடுகிறது. அதாவது துணிக்கைகள் நெருக்கமாக அடுக்கப்பட்டு அசையாமல் காணப்பட்டால் திண்மம் (Solid) என்றும் ஓரளவு ஐதாக துணிக்கைகள் காணப்பட்டு அசையும் ஆயின் அதனை திரவம் (Liquid) என்றும் மிக ஐதாக துணிக்கை இடைவெளி பெருமளவு காணப்பட்டு துணிக்கைகள் வேகமாகவும் சுயாதீனமாகவும் அசையும் ஆயின் அவற்றை வாயு (Gas) என்றும் கூறுவோம்.
இப்படி இருக்க அணுக்கள் ஆரம்பத்தில் பிரிக்கமுடியாத சிறிய பொருள் என்று வரைவிலக்கணம் கூறினார்கள். ஆனால் அதுவும் இப்ப அக்கு வேறு ஆணி வேறாக பிரிச்சி போட்டுட்டாங்க.
அணுக்கள் கரு (Nucleus ), ஓடு/சக்திமட்டம் (Isotopes) என்ற இரு பெரும் பகுதியை கொண்டது. புரோத்திரன் (Protons) என்ற நேர் ஏற்றமும் நியூத்திரன் (Neutrons ) என்ற ஏற்றம் அற்ற கூறும் கருவில் காணப்படும். அதுபோல ஓடுகளில் இலத்திரன் (Electrons) என்ற மறை ஏற்றம் கொண்ட துணிக்கையும் காணப்படும். எப்படி பெற்றோரை சூழ குழந்தைகள் வலம் வருவார்களோ அதுபோல இலத்திரன் கருவை சூழ சுற்றிக்கொண்டு இருக்கும்.

நிலைமாற்றம் என்றால் சடப்பொருள் அதன் சொந்த நிலையில் இருந்து மற்ற நிலைவடிவத்திற்கு மாறுபடுதல். அதாவது திண்மம் திரவம் ஆதல். அதுபோல திரவம் வாயுவாக மாறுதல்.
மேற்படி நிலைமாற்றம் வெப்பநிலை காரணமாகவே நிகழும்.
இவ்வாறு திரவம் வாய்வாக மாறியது போல வாயு வெப்பநிலை வழங்கல் மூலமாக என்னவாக மாறும் என்று எப்போதாவது சிந்தித்து பார்த்ததுண்டா???
வாயு வெப்பநிலை வழங்கல் மூலமாக மாறும் நிலையே பிளாஸ்மா என்று எளிய வடிவில் கூறலாம்....

சரி இப்ப பார்ப்போம் பிளாஸ்மா என்றால் என்ன என்று.
பிளாஸ்மா என்றால் அயனாக்கப்பட்ட சடப்பொருள் நிலை. இது மின்னியல், காந்தவியல் என்ற இரு நிலைபாடுகளை கொண்டுள்ளது. பிளாஸ்மா பொதுவாக உயர் வெப்பநிலை காரணமாக அணுக்களில் உள்ள இலத்திரன் அருட்டப்பட்டு அயனாக்க நிலையை அணுக்கள் பெரும் நிலையை குறிக்கும்.
எம் பூமியை சூழ எவ்வாறு வளி காணப்படுகின்றதோ அதுபோல விண்வெளியில் காணப்படும் ஒரு கூறே பிளாஸ்மா. இவற்றில் குளிர் பிளாஸ்மா, வெப்ப பிளாஸ்மா என்ற இரு வகை உண்டு.

பிளாஸ்மாக்கள் மனித இனத்திற்கு எந்த வகையில் உதவுகின்ற
மருத்துவக்கழிவு அகற்றல் - மருத்துவமனைகளில் இருந்து வெளியேற்றப்படும் கழிவுகளை எவ்வாறு அழிப்பது என்பது ஒரு மிகப்பெரிய பிரச்சினையாகும். இத்தகைய நச்சுக் கழிவுகள் தற்சமயம் அதிக வெப்பத்தை செலுத்தி எரிக்கப்படுகின்றன. அவ்வாறு எரிக்கப்படும் போது வெளியேறும் வாயுக்கள் நச்சுத் தன்மை கொண்டதாக இருப்பதால், சுற்றுப்புறத்திற்கும் மனிதர்களுக்கும் கெடுதல் உண்டாக்குகின்றன. மருத்துவமனை கழிவுகளை எரிப்பதற்கு வெப்ப பிளாஸ்மா பயன்படுகின்றது. இந்த முறையில் நச்சு வாயுக்கள் வெளியேறுவதில்லை. எனவே இது பாதுகாப்பான தொழில்நுட்ப முறையாகும்.

நுண்ணுயிர் தோற்று நீக்கம் -  நுண்ணுயிர் கிருமிகளால் பல்வேறு பாதிப்புகள் உருவாவதை நாம் அறிவோம். இத்தகைய நுண்ணுயிர்களை அழிக்கும் பணியில் குளிர் பிளாஸ்மாக்கள் பயன்படுகின்றன. மருத்துவமனைகளில் நோயாளிகளின் புண்களுக்கு போடும் கட்டுகள் நுண்ணுயிரிகளால் பாதிக்கப்படாமல் இருப்பதற்கு பிளாஸ்மா உதவுகிறது.

விவசாய துறையில் பீடை கட்டுப்பாடு - பிளாஸ்மா கதிர்களால் நுண்ணுயிர்கள் பரவுவது தடுக்கப்படுகிறது. விவசாயத் துறையிலும் குளிர் பிளாஸ்மாவை பயன்படுத்த முடியும். விதைகள் அதிக அளவில் முளைப்பதற்கும், பூச்சிகளால் தாக்கப்படாமல் பாதுகாப்பதற்கும் குளிர் பிளாஸ்மாவின் கதிர்வீச்சு பயன்படுகின்றது. மற்ற கதிர்வீச்சுக்களைபோல விதைகளின் தன்மையை இது மாற்றுவதில்லை. அதோடு விதைகள் அதிக நீரை உறிஞ்சுவதற்கும் இது உதவுகின்றது. இதனால் அதிக அளவில் விதைகள் முளைக்கின்றன.

உணவு பாதுகாப்பு - பிளாஸ்மா கதிர் வீச்சின் மூலம் எளிதில் கெட்டுப் போகும் உணவுப் பொருட்களை அதிக நாட்கள் கெட்டுப்போகாமல் பாதுகாக்க முடியும். பிளாஸ்மா கதிர்வீச்சுக்கு உட்படுத்தப்பட்ட உணவுப்பொருள்களில் புரோட்டீன், கார்போஹைட்ரேட்டுகள், வைட்டமின்கள் போன்ற சத்துகள் கொஞ்சம் கூட குறையாமல் அப்படியே இருக்கும்.

குடிநீர் சுத்திகரிப்பு - இதே போல, குடிநீரை சுத்தப்படுத்துவதற்கும் பிளாஸ்மாவை பயன்படுத்த முடியும். பிளாஸ்மா டார்ச் என்ற கருவியின் மூலம் ஒரு பாத்திரத்தில் உள்ள தண்ணீர் சுத்திகரிக்கப்படுகிறது. இது வெளிநாடுகளில் பயன்பாட்டில் உள்ளது. இத்தகைய பிளாஸ்மா டார்ச்சுகள் இன்னும் சிறிது காலத்தில் நமது நாட்டிலும் பயன்படுத்தப்படும் என்று எதிர்பார்க்கலாம்.

மின் உற்பத்தி - மிக உயர்ந்த வெப்பநிலையில் பிளாஸ்மா உண்டாகி அணு ஆற்றலை மின் ஆற்றலாகப் பயன்படுத்த அணுப்பிளப்பு உலைகள் தற்போது பயன்படுத்தப்பட்டு வருகின்றன. அதைவிட, அணுப்பிணைப்பு மூலம் அதிக ஆற்றலைப் பெறலாம் என்ற கருத்து, இத்துறையில் ஆய்வாளர்களைக் கவனம் செலுத்தத் தூண்டியது.

"வானங்களிலும், பூமியிலும், அவற்றிற்கு இடையேயும் உள்ள (பொருட்கள் அனைத்)தின் மீதுமுள்ள ஆட்சி அல்லாஹ்வுக்கே சொந்தம்" (அல்குர்ஆன் 5:17, 21:16, 32:4, 37:5, 38:10, 44:38, 46:3)

தேடல் வலைத்தளம் 
http://pluto.space.swri.edu/image/glossary/plasma.html
https://www.britannica.com/science/plasma-state-of-matter
https://education.jlab.org/qa/plasma_01.html
https://www.tomsguide.com/us/lcd-or-plasma,review-409-6.html
https://www.techwalls.com/the-plasma-advantages/