அழிவுற்ற பூச்சி இனங்கள்

மூதூரின் தனித்துவம் 
காலத்தால் அழிந்தவையும் அழிகின்றவையும்...
இந்த இந்திரன் 2 படத்தில சொல்றதபோல சுனாமிக்கு முன்னர் எல்லாம் காலையில் தெனயான் கூட்டம் என்னமாதிரி எல்லாம் டிசைன் போட்டு பறந்துபோகும் என்று இங்குள்ள 90s kids முன்னுள்ள அனைத்து கிட்ஸ்க்கும் தெரிந்து இருக்கும். அவ்வளவு அழகு.
இப்படித்தான் மாப்புள வண்ணாத்திப்பூச்சி பிடிச்சி அதிட உடம்பில நூல் கட்டி பட்டம் விடுவது போல பறக்க விடுவது. அப்புறம் பொன்னிவண்டு பிடிக்க கப்றடி கட்டுக்குள்ளும், சவக்காலை காட்டுக்குள்ளும் போறது. பொன்னிவண்டு பிடிச்சா அப்பவெல்லாம் பெரிய சாதனதான். அவ்வளவு மதிப்பு. அதோடு பொன்னிவண்டு முட்டை தொழுதொழு எண்டு ரப்பர் முட்டையாட்டம் இருக்கும்.
இதை குஞ்சி பொரிக்க வைக்க காஞ்சிபோன சாணி எடுத்து அதுக்குள்ளே வைக்கிறது. பொன்னிவண்டுக்கு சாப்பாட்டுக்கு வாகை இலை கொடுக்கிறது.

வசந்த காலம் தொடக்கம் என்பது கூட்டம் கூட்டமாக சிவனொளிபாத பாத மலை தேடி செல்லும் இந்த பண்ணிற வண்ணாத்துப்பூச்சி வருகையை கொண்டே ஆரம்பிக்கப்படும். ஊரெல்லாம் எங்கு பார்த்தாலும் மஞ்சள் வண்ணாத்தி, சிவப்பு, வெள்ளை, கரியநிற வண்ணாத்தி என்று எத்தன கலர் ஜாதிகள் அதில். வண்ணாத்தி பிடிக்க சொழவு(சுழகு) பாவிக்கிறது.

சனி ஞாயிறு வந்தால் சரி, பொழுது விடிய முன்னமே தென்னை மட்டை கிரிக்கட் பெட்டை எடுத்துக்கொண்டு வீட்டில் இருக்க உடைந்த கதிரையை எடுத்து வீட்டு முன்னாடி இருக்கும் வீதியில் தெருவோரத்து கிரிக்கட் விளையாட ஆரம்பித்துவிடுவோம். அந்த டைம்ல பெரும்பாலான வீடுகளில் மாடுகள் வளர்க்கப்படுவதால் சாணி வண்டு (பீவண்டு) ஊரெல்லாம் திரியும். அது பறந்துவருவதை வருவதை கண்டால் கிரிக்கட் பெட்டாலேயே லேக் பார்த்து அடிக்கிறது அவ்வளவு சுகம்.

முன்னமெல்லாம் ராத்திரியான ஊரெல்லாம் சில்வண்டு சத்தம் இரவுக்கு இசை சேர்க்கும் மழை காலத்தில தவளை தாளம் போடுவது ஒப்பாக. அந்நேரம் வீடுகள் ஓடு, மரத்தளபாடம் கொண்டே காணப்படும். சில்வண்டுகள் சிறிய இடைவெளியில் இருந்து கத்தும். சத்தம் கேற்கும் இடத்துக்கு பக்கத்தில போனதும் சத்தம் போடுவதை நிப்பாட்டிவிடும். இப்படி அந்த சில்வண்டையும் பயம் காட்டுறதும் ஒரு பொழுதுபோக்குதான்....

ஒண்ணான் பிடிச்சி புகையிலை (போயில) கொடுத்து கலர் மாறுவதை ரசிப்பது, சிட்டுக்குருவி, தேன் சிட்டு சுண்டியலால் அடிச்சி சுட்டுத்தின்பது இப்படி பல அனுபவம்.

#கும்புடு_பூச்சி, #தும்பி, #குஷி_வண்டு (Bombarier-beetle), #வெட்டுக்கிளி, #மூத்திரத்_குளவி, #சில்வண்டு/#புள்ளப்பூச்சி (Cricket) என்று எத்தனை பூச்சி இனங்கள் இன்று கண்ணால் கூட காணாத அளவிற்கு ஊரை விட்டும் எமது வாழ்வை விட்டும் தொலைதூரம் சென்றுவிட்டது. அன்றுள்ள தலைமுறை அனுபவித்த பல அழகான அனுபவங்களை இன்று நினைவில் மீட்டிப்பார்த்துக்கொண்டு காலம் களிக்குகின்றோம்.