காலத்தால் அழிந்தவையும் அழிகின்றவையும்
எம் பாரம்பரிய பண்பாட்டு விழுமியங்களில் முதன்மை இடம் பெருபவையே நாட்டார் பாடல்கள். எம்மொழியாம் செம்மொழி தாய்மொழிக்கு இனித்திடுமா எம்மொழியும் என்ற நாமத்திக்கிணங்க தமிழின் பெருமை கூறும் ஒரு காரணிகளில் ஒன்றே இன்று அழிந்தொழியும் நாட்டுப்புறத்து நாட்டார் பாடல்கள்.
முன்னோர்களின் அன்றாட வாழ்வின் அங்கமாக இருந்த நாட்டார் பாடல் இன்று அருகிவரும் நிலையில் கிழக்கிலங்கை தொடக்கம் கிழக்காசிய நாடுகள் வரை பரம்பியுள்ள எமது பண்பாடு இன்று கேள்விக்குறியாகும் நிலையில்....
கமு. அருணாச்சலம் வகைப்பாட்டின் படி நாட்டார் பாடல்களை தாலாட்டுப்பாட்டு, விடுகதைப்பாட்டு, ஏற்றப்பாட்டு, வள்ளைப்பாட்டு, கண்ணன்பாட்டு, நடவுப்பாட்டு, ஒப்பாரிப்பாட்டு ,பரிகாசப்பாட்டு, கும்மிப்பாட்டு, ஏசல்பாட்டு, வேல்பாட்டு, இசைப்பாட்டு என்று வகுக்க முடியும்.
கிழக்கிலங்கையின் நாட்டார் பாடல்களுக்கு பேர் போன இடம் என்றால் மட்டகளப்பு என்ற மீன் பாடும் தேன் நாட்டை குறிப்பிட்டு கூறமுடியும். இதற்கான அடிப்படைக் காரணமாக அமைந்தது அங்கு வாழ்ந்த பூர்வீக மக்களின் தொழில் முறைமையும் சாதி வேறுபாடும். 
அன்றாட வாழ்வின் வாழ்வியல் அம்சங்களை ரசனையுடன் ஊர் மொழிநடையில் அமையப்பெறும் இவைகள் அவற்றுக்கென தனித்துவ பாங்கில் பயணித்ததை பண்டைய காலங்களில் வரலாற்றில் காணமுடிகின்றது.
அந்தவகையில் எமது #மூதூர்_மண்ணிலும் அவ்வாறான பல நாட்டார் பாடல்கள் பாடப்பட்டுள்ளன. இருந்தும் அவற்றை இன்று காணக்கிடைக்கும் இடங்கள் அரிதே. அவற்றில் ஒருசில என்னால் தொகுக்கப்பட்டு இப்பதிவில் ஒவ்வொரு தலைப்பிலும் சிறு சிறு பகுதிகளை பதிவேற்கின்றேன்.
உங்களிடம் அவ்வாறான நாட்டர்பாடல்கள் நினைவில் இருப்பின் அவற்றையும் இங்கே தயவுசெய்து பதிவேற்கவும். அத்துடன் மேலும் நாட்டர்பாடல் தொகுக்கவேண்டிய கடப்பாடு எமக்கு உள்ளது. யாரை சந்திக்கலாம் என்று கூறினாலும் அவர்களை சந்திக்க நான் தயாராக உள்ளேன். உங்களால் முடியுமானவற்றை செய்து உதவிடுங்கள்.
முக்கியமாக எம்மவர்களின் நாட்டார் பாடல்களை காணொளிப்பதிவு (Video) செய்யவும் முயற்சிகள் நடைபெற்ற வண்ணமே உள்ளது. மேற்படி முயற்சியில் பல சிக்கல்கள் உள்ளது. அதாவது எமது ஊரை பொறுத்தவரையில் பழமை பாதுகாக்கும் எழுத்துவடிவ ஆவணங்கள் மிகக்குறைவு. அத்துடன் நாகரிக வளர்ச்சியின் தாக்கத்தின் வெளிப்பாட்டால் நாட்டார் பாடல்கள் பெறுமதி இழந்தது மாத்திரமன்றி அவற்றின் தேவையும் இழிவலவாகும் நிலைப்பாடும் வெற்றி பெற்றுவிட்டது. 
No comments:
Post a Comment