தாமரை கொட்டை (lotus seeds)

ஊரும் உணவும்
எப்போதுமே என்னிடம் ஒரு பழக்கம் இந்த உணவு விடயத்தில் இருந்து வந்தது. அதாவது புதிதாக ஒரு உணவை கண்டால் அதை எவ்வளவு விலைகொடுத்தும் வாங்கி உண்பது. அதுபோலவே seasonal food (சீஷன் உணவு வகை) வாங்கி உண்பேன். காரணம் ஒன்றே ஒன்றுதான். நாகரீகத்தில் சில உணவுகள் (கிளா பழம், அணிங்கி பழம், சொண்டாம் பழம், பணிச்சம் பழம்) இன்று எனது நாவை எட்ட முடியாமல் போய்விட்டது. அவைபோல இவையும் ஆகிவிடும் என்ற பயம்.

எவ்வளவுதான் நவீன உற்பத்தி உணவுகள் (Processing Foods) சந்தையில் வந்தபோதும் சில கஷ்டப்பட்டு பொறுமையாக காத்திருந்து உண்ணும் உணவுகளின் ருசியின் அலாதியான ரசனையை எழுத்துக்களில் வர்ணிக்க முடியாது. அவ்வாறான உணவுகளில் தாமரை கொட்டை, #அவித்த_பலா_கொட்டை, மரமுந்திரிகை விதையின் பருப்பு,நொங்கு, #முளைக்கும்_பனங்காய்_கொட்டை_முளை, #ஈச்சம்_காய்_அவித்து_உண்ணல, #பன்னல் அவித்து உண்ணல், நண்டு கரி, கச்சான் கொட்டை, முள்ளு வாழை மீன் கரி உதாரணங்களாக கூற முடியும்.

#சாப்பிடும்_முறை
அவற்றில் ஒரு காயை எடுத்து தடவிப்பார்த்து முத்தல் கொட்டை (முதிர் விதை) எதுவென்று அனுபவத்தில் உணர்ந்து அதை தனியே காற்றிடைவெளி நிறைந்த வலைப்பின்னல் வடிவான காயின் உற்பகுதியில் இருந்து வேறுபிரித்து ஒன்றொன்றாக உரித்து வைத்த தாமரை விதையை எடுத்து அதன் தோலை அகற்ற அந்தங்களில் ஒரு கடி கடித்து பின்னர் விரல் நுனியால் தோலை அகற்றி உள்ளிருக்கும் வெண்மை சிறு பருக்கையை எடுத்து முன் பல்லினால் நடிவில் ஆரை சமச்சீர் வழியே மாத்திரம் கடித்து இரண்டாக பிளந்து பச்சை நிறமாக நடுமத்தியில் இருக்கும் முளையை அகற்றிய பின்னர் வாய்க்குளே இட்டு சாப்பிட்டால் மெய் மறந்து போவீர்கள்.

#கவனத்தில்_கொள்ளவேண்டியமுக்கியவை-
👉 இளம் விதைகளாக இருப்பி அவை கொண்டுள்ள பருக்கையின் உள்ளீட்டை (முளையை) அகற்றவேண்டிய அவசியம் இல்லை. முளை அகற்றுவது முதிர்ந்த விதைகளுக்கே. காரணம் அவை சற்று கசப்பு சுவையானது.
👉 பொச்சு விதைகள் (வெறுமை விதை) கையில் பல காணப்படும். அவற்றை நெற்றியில் குத்தி உடைக்கும் போது ஒருவகை டொக் என்ற சத்தம் எழும். சிறுவர்கள் அதிகம் இதனை செய்வார்கள். நானும் செய்வதுதான்.
👉 விதையின் தோல் சற்று தடிப்பானது. அதனை அகற்றுவதற்கு பெருவிரல் நகம் கொண்டு காணப்படவேண்டும். இல்லை என்றால் என்னைப்போல் சாப்பாடு ருசியில் விரல் இடுக்கில் இருந்து இரத்தம் வரும்போதே உணர்ந்து கொள்வீர்கள் நகத்தின் சதை கிழிக்கப்பட்டதை.
👉 புதிதாக வாக்குபவர்கள் வழமைபோல மினு மினு என்று காணப்படுவதை அவசரத்தில் வாங்கிட முற்படவேண்டாம். காரணம் குவியலில் காய்ந்து அசிங்கமாக இருப்பதில் தான் அதிகமான நல்ல முதிர்ந்த விதைகள் காணப்படும்.

#பலர்_அறியாதா_ஏனையவை–
👌 தாமரை விதைகளில் அதிக பொட்டாசியம் செரிமானம் காணப்படுவதனால் உடலிற்கு நன்று. அத்துடன் சீனி வியாதி கொண்டவர்களுக்கு நன்று என்று கூறுகிறார்கள். இக்கருத்து எந்த அளவிற்கு உண்மை என்று எனக்கு தெரியாது.
👌 பதப்படுத்தப்பட்ட உளர் வித்துக்களின் சுவை மிகவும் அதிகம். இவ்விதையின் பருக்கை உலர்த்தப்பட்டு பதனிடப்பட்டு வெளிநாடுகளில் பொதி செய்யப்பட்டு விற்பனை செய்யப்படுகின்றது. இவ்வாறான முயற்சியை எமது ஊரில் மேற்கொள்ள முடியும். காரணம் இவை மிக மலிவாக கிடைக்கும் பொருட்களில் ஒன்றே..

#உங்களுக்கு_தெரியுமா???
😮 தாமரை விதையானது ஒரு நூற்றாண்டு (100 years) வரை தனது வித்து உறங்குநிலை காலத்தை களிக்கும் வல்லமை கொண்டது.