பாலைவன அதிசயம் ஒட்டகம் (Camel)

பாலைவனக் கப்பலென அழைக்கப்படும் ஓர் உயிரினம் ஒட்டகம் ஆகும். பாலைவனத்தில் பல வகையான உயிரினங்கள் வாழ்க்கை நடத்தினாலும் புனித அல்-குர்ஆன் ஒட்டகத்தை பேசுவதன் காரணம் பற்றி ஒருகணம் சிந்திக்கத்தான் வேண்டும்.

“(நபியே!) ஒட்டகத்தை அவர்கள் கவனிக்க வேண்டாமா? (அல்லாஹ்வினால்) அது எவ்வாறு படைக்கப்பட்டிருக்கிறது என்று” (அல்-குர்ஆன் 88:17)
மேற்கூறப்பட்ட வசனத்தில் அல்லாஹ் எம்மை நோக்கி கவனிக்க வேண்டாமா என்று கேட்கின்றான் ஏன்? என்ற கேள்விக்கு
பாலைவனத்தில் வாழும் ஒட்டகமானது சில விசேட சிறப்பியல்பை கொண்டமைந்துள்ளது. இது அங்கு உயிர்வாழ ஏற்ற வகையில் உடலியல் மற்றும் உளவியல் சிறப்பியல்புகளைக் கொண்டுள்ளது.
 ஒட்டகத்தின் உட்குழிவு கால் பாதங்கள் - இது மணலில் புதையாத விதமாக தட்டை  வடிவில் பிளவு கொண்டதாக காணப்படும்.
 இதன் கால்கள் இருவகையான மூட்டுக்களை கொண்டது - இது நீண்ட தூரப் பயணத்துக்கு மாறி மாறி மடித்து நடக்க உதவியாகும்.
 இதன் தோல் நீரை ஆவியாக விடுவதில்லை.
 தோலின் கீழ் கொழுப்புப் படை காணப்படும். இது வெப்பம், குளிர் என்பவற்றைத் தாங்க உதவும்.
 திமில்கள் எனப்படும் முதுகில் காணப்படும் பகுதியில் கொழுப்பு (Fat) சேமிக்கப்பட்டதாக காணப்படும். இதில் சுமார் 40kg கொழுப்பு காணப்படும். இங்கு காணப்படும் கொழுப்பின் பகுப்பு காரணமாக நீர் தட்டுப்பாட்டை அவை நிவர்த்தி செய்யும்.
 50°C உடல் வெப்பநிலையில் நீர், உணவுகள் இன்றி சுமார் எட்டு நாட்கள் உயிர்வாழும். ஏனைய விலங் குகளினால் ஒரு நாள் கூட தாங்கமுடியாது.
 காலில் காணப்படும் ஒருவகை தோல் ஆனது சுடுமணலில் அமரும் போது சுட்டுவிடாதவாறு பாதுகாக்கும்.
 நீர், உணவுகள் இல்லாமல் சுமார் பல நாட்கள் பல கிலோமீட்டர்கள் பயணிக்கும் இவை பாலை வனத்தில் காணப்படுகின்ற கற்கள் மற்றும் கள்ளி செடிகளை உண்ணும் இயல்புடையது.
 இதன் கண், மூக்கு விசேட சிறப்பியல்பு கொண்டு ஆக்கப்பட்டுள்ளது - பாலைவன தூசுக்களில் இருந்து பாதுகாக்க கண் மூன்று வகை கண் மடல்களை கொண்டமைந்துள்ளது.
 இதன் உதடுகள் மற்றும் பற்கள் விசேடமாக சில உணவுகளை உண்பதற்கென இசைவாக்கப்பட்டது. இவை இதனால் கடினமான பொருட்களைக் கூட மிக இலகுவாக உண்ணும் திறன் பெறுகின்றது.
 ஒட்டகத்தின் மேல் உதடு நீண்டு அசையும் விதமாக காணப்படும். இதனால் இவை தாவர பாகங்களை இலகுவாக பற்றிப்பிடிக்க உதவும்.
 இதன் பால், இறைச்சி என்பன மிக போசாக்கு மிக்க மனித உணவாக பயன்படும்.
 ஒட்டகத்தின் இரைப்பை மூன்று அறைகளைக் கொண்டது. இதனால் இவை நீரை அதிகமாக சேமித்து தேவையான பொழுதுகளில் அதனை பயன்படுத்தும் இயல்புகொண்டது.
 ஒட்டகத்தின் குருதிக் கலங்கள் (RBC) ஏனைய விலங்குகளைப் போல் அல்லாது நீள்வட்டமாக காணப்படும். இது நீர் பற்றாக்குறை மற்றும் உயர் நீர்செறிவு நிலைகளில் போது விறைப்புத் தன்மையை பேண உதவுகின்றது.
 உருவமைப்பில் பெரியதாக இருந்தாலும் மிக மிருதுவான குணம் கொண்டதாக காணப்படும்.
 இவற்றின் குருதி மற்றும் உடல் இழையங்கள் நீரை விரைவாக அகத்துறிஞ்சிக்கொள்ளும் இயல்பு கொண்டது. (10 நிமிடங்களில் தனது எடைக்கு சமனான நீரை அருந்தும் தன்மை)
இதுபற்றி குர்ஆன் இவ்வாறு கூறுகிறது.
“(அதுவும் அவசர அவசரமாக) தாகித்த ஒட்டகம் குடிப்பதைப் போல் நீங்கள் குடிப்பீர்கள்” (அல்-குர்ஆன் 56:55)
மேற்கூறப்பட்ட விசேட சிறப்பியல்புகளை கொண்ட ஒட்டகங்களை பற்றி குர்ஆன் வினவுவது சரியானதே.