காலத்தால் அழிந்தவையும் அழிகின்றவையும்

மூதூரின் தனித்துவம்
தொடர் – IV (பறவை இனங்கள்)
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

காண்பதற்கு கண்ணிற்கு மாத்திரமன்றி மனதிற்கும் பூரிப்பை அளிக்கும் அழகு பறவை இனங்களிற்கு இறைவன் வழங்கியுள்ளான். அந்தவகையில் எமது குடித்தொகை வளர்ச்சியும் நகரமயமாக்கமும் எம் கண்ணிற்கு காட்சி தந்த பறவை இனங்களை எம் சூழலை விட்டு ஒதுக்கிவிட்டதோ.....

அன்று பள்ளிக்கூடம் செல்ல நான் காலையில் தயாராகும் போது #குயில்_பாட்டும், #சேவல்_கூவலும், #தெனையான்_கூட்டத்தின் சத்தமும் கேட்டவைகள் இன்று பதங்கமாகி போனதுவோ.... அதுபோல் எனது வகுப்பு சுண்டியல் மாவீரன் Suraif Sf அவருடன் எத்தனை தேன் சிட்டுக்களை சுட்டுத் திண்டவைகள் இன்று அழியா நினைவில் உள்ளது.

செம்பகம் (செம்போத்து) கூற்று --- “சஞ்சீவி மூலீகையை நன்கு அறிந்த பறவை இதன் பெயர் செம்போத்து. இதன் கூட்டிலிந்துதான் சஞ்சீவி மூலிகையை பரீட்சித்தூப்பார்த்து எடுப்பார்கள்.சஞ்சீவி மூலிகை நீர்ஓடையில் போட்டால் நீருக்கு எதிராக மேல் நோக்கி ஓடும்.சஞ்சீவீ மூலீகையை வைத்து பல சித்து வேலைகளைச் செய்வார்கள். இப்பறவையின் கூட்டைக் கண்டுபிடிப்பது கடினம்.எமதூரில் இப்பவையினம் அருகிவருகிறது"

இன்று வாழும் பல சிறுவர்களுக்கு நான் இடுகின்ற சில பறவையின் புகைப்படங்கள் புதுமையாக இருக்கலாம். அத்துடன் பல பறவையினங்களை வேட்டையாடி உணவாக உட்கொண்ட தருணங்கள் பலருக்கு இங்குண்டு. ஆனால் அன்றைய தினத்தின் புதுமைகளை இன்று எமது தலைமுறைக்கு கூறினால் அவற்றை நம்பக்கூட மாட்டார்கள். அதைவிடுங்கள் கதை கூறுகிறேன் என்று அழைத்தால் கூட எங்கு அவர்களுக்கு நேரம் உண்டு????

காலத்தின் மாற்றமும் மனிதனின் பயணமும் போட்டிபோட்டு கொண்டு ஓடும் ஒரு இயந்திரத்திற்கு ஒப்பாகியுள்ளது. நகர மயமாக்கம் என்று காடுகளையும் இயற்கை வனப்புகளையும் அழித்து ஒழித்து நரக மயமாக மாற்றிக்கொண்டு இருக்கின்றோம் என்பது மட்டும் உண்மை.

எமது முன்னோர்கள் இவ்வாறான பல கதைகளை பல உயிரினங்களுக்கு புனைந்து கூறியுள்ளனர். அவைகளை கேட்கும் பொழுது அந்தநாள் நினைவுகள் வருவது மாத்திரமன்றி எமது இன்றைய நகர வாழ்வில் தவறவிட்ட சின்னஞ்சிறு சுகம்கள் கூட.....