மூதூரின் தனித்துவம்

அந்தவகையில் எமது வரலாற்றை அறிந்துகொள்ள எம்மவர் மூதாதையர்களின் கலந்துரையாடல், கருத்துக்கள் எமக்கு வலுவூட்டும். அவ்வாறானதொரு சந்திப்பின் இரண்டாம் பாகமே இது.

சுமார் இரு வருடங்கள் முன்னர் மேற்கொண்ட தேடலில் கிடைக்கப்பெற்ற ஆவணங்கள், கதைகள், சம்பவங்கள் மற்றும் செய்திகளை கொண்டு சில தொகுப்புக்கள் நிறைவு பெற்றுள்ளது. இருந்தபோதும் வரலாறு என்பது முற்றுப்புள்ளி வைக்கமுடியாத காரணி அல்லாவோ.... 

#சமகால_மூதூரின்_வம்சாவழிகளின்_தொடக்கமாக அமையும் இவர்களும் இவர்களை சார்ந்தோரும் எமது வரலாற்று தேடலுக்கும் இன்னும் நாளை சந்ததிகளின் இரத்த தொடர்புடமைக்கும் ஒரு சுவடாக திகழ்வார்கள் என்பதில் ஐயமில்லை. இங்கே பதிவிட்டுள்ள அநேகர் மிக நெருங்கிய இரத்த உறவுகளை சார்ந்தவர்களே. இருந்தபோதும் பிற்பட்ட காலப்பகுதியில் வழித்தோன்றல்களின் பரவலாக்கம் இந்த சிற்றூரில் வாழும் எம்மை அற்ப காரணங்களான #பிரதேசம், #தொழில்_முறைமை, #கல்வி_தகமை, #அரசியல்_கலாச்சாரம் மற்றும் #சிந்தனை_வேறுபாடுபோன்றவற்றில் எம்மிடையே பாகுபாட்டையும் பகையையும் வளர்த்துவிட்டது எனலாம்.

#எம்_பாகுபாடு_என்பது_எமது_பலஹீனம் என்பதை நாம் இன்றுவரை உணராமலே காலத்தை கடத்திக்கொண்டும் #அடிமை_சமூகமாகவும் இன்னும் பொருளாதாரம், அரசியல், கல்வி, மற்றும் மானிடவியல் இடைத்தொடர்புகளில் மிகப்பெரும் பற்றாக்குறையையும், பலவீனத்தையும் அனுபவித்தே வருகின்றோம்.

#நாளைய_தலைமுறைக்காவது உங்களின் #அறியாமை_மூடத்தனத்தை_விதைக்காமல் வளர்த்து எம் மண் மூதூர் என்ற ஒருநிலைப்பாடு கொண்ட இனம், மதம், மொழி, பிரதேச வேறுபாடுகள் மறந்தும், மறுத்தும், மறைத்தும் வாழும் வளமிக்க தலைமுறைக்கு உரமூட்ட இன்றைய தலைமுறை முன்வரட்டும்.

“மனிதர்களே! நிச்சயமாக நாம் உங்களை ஓர் ஆண், ஒரு பெண்ணிலிருந்தே படைத்தோம்; நீங்கள் ஒருவரை ஒருவர் அறிந்து கொள்ளும் பொருட்டு. பின்னர், உங்களைக் கிளைகளாகவும், கோத்திரங்களாகவும் ஆக்கினோம்” (அல்-குர்ஆன் 49:13)

வேர்களும் விழுதுகளும்

மூதூரின் ஆரம்பக் குடியேற்றங்கள் என்ற தலைப்பில் நான் மேற்கொண்ட ஆய்வுகளில் கிடைக்கப்பெற்ற தகவள்களுள் 80 வயதெல்லையை தாண்டிய உயிர்வாழும் மூதாதையர் என்ற சிறு தொகுப்பை தற்போது ஒரு தொகுப்பாக தந்துள்ளேன். இத்தரவுகள் 20/02/2016 தொகுக்கப்பட்டது. சில சந்தர்ப்ப சூழ்நிலை காரணமாக தரவுகளை தாமதமாக பதிவேர்கின்றேன். (ஒரு சிலர் தற்போது மரணித்தும் இருக்க வாய்ப்புக்களுண்டு)

எமது இறந்தகால உண்மைச் சுவடுகள் பற்றிய சரியான தகவல்களை எமது பழங்குடிகள் மூலமாகவே பெற்றுக்கொள்ள வாய்ப்புக்களுண்டு. இருப்பினும் நாம் அதனை மறந்து எங்கோ தேடி அலைகின்றோம். வரலாறுகள் காலப்போக்கில் நவீனமயமாகும் ஒரு கதாப்பாத்திரமாகும். இதனை நாம் எவ்வாறு பாதுகாக்கின்றோம் என்பதனைப் பொறுத்தே அது எம்மை பற்றிய சுவடுகளையும் சிந்தனைகளையும் எதிர்கால சந்ததிக்கு பிரதிபலிக்கின்றது.
இருப்பினும் நான் கண்ட உண்மைகளை இவ்விடத்தில் மனம் திறந்து எழுத எனது பேனா மறுக்கின்றது. எமது பெற்றோர்கள் மதிக்கப்படவேண்டியவர்கள். ஆனால் நான் கண்டதுவோ ......................? 
நான் பதிவிடும் புகைப்படங்கள் சிலவற்றில் உங்கள் இரத்த உறவுகளும் இருக்கக்கூடும். தயவு செய்து ஒருகணம் அவர்களின் நிலைபற்றி சற்று சிந்தனை செய்யுங்கள்.

• பெற்றோர் மீதும், (பெற்ற) சந்ததியின் மீதும் சத்தியமாக (அல்-குர்ஆன் 90:3)
• அவனையன்றி (வேறு எவரையும்) நீர் வணங்கலாகாது என்றும், பெற்றோருக்கு நன்மை செய்யவேண்டும் என்றும் உம்முடைய இறைவன் விதித்திருக்கின்றான்; அவ்விருவரில் ஒருவரோ அல்லது அவர்கள் இருவருமோ உம்மிடத்தில் நிச்சயமாக முதுமை அடைந்து விட்டால், அவர்களை உஃப் (சீ) என்று (சடைந்தும்) சொல்ல வேண்டாம் - அவ்விருவரையும் (உம்மிடத்திலிருந்து) விரட்ட வேண்டாம் - இன்னும் அவ்விருவரிடமும் கனிவான கண்ணியமான பேச்சையே பேசுவீராக (அல்-குர்ஆன் 17:23)

வரலாறுகள் பாதுகாக்கப்படவேண்டிய தருணத்தில் நாம் இருக்கின்றோம்.

உசாத்துணை - 
https://m.facebook.com/story.php?story_fbid=2185375955027495&id=100006653354283

Ihshan J.M.I Mohamed is feeling வழித்தோன்றல்களின் பரவலாக்கம் 

July 10 at 8:56 PM · 

#மூதூரின்_தனித்துவம்
பாகம் 17
#வேர்களும்_விழுதுகளும்
தொடர் II