கருத்து முரண்பாடு இஸ்லாமிய சமூகத்தின் ரஹ்மத்

தனிமனித வாழ்வு, பொது வெளி வாழ்வு என்ற இரு வாழ்கையில் கட்டியெழுப்பப்படும் இரு வெவ்வேறுவகை உறவுப்பாலங்கள். அந்தவகையில் கருத்து முரண்பாடு என்பது ஒரு மனிதனின் அல்லது ஒரு சமூகத்தின் சிந்தனை எழுச்சி, சூழ்நிலை களம், விரிவாக்கமுற்ற கருத்தியல் உரையாடல் என்பனவற்றின் மூலமாகவே தீர்மானிக்கப்படுகின்றது.

வினா தொடுக்கப்பட்டு அவை சமூகமயமாக்கம் அடைவிக்கப்படும் போதே கருத்தியல் ரீதியான போராட்டமும் முரண்பாட்டு முற்போக்கு செயற்பாடுகளும் உதயமாக காரணியாகின்றது. ஆனாலும் அவற்றை எவ்வாறு நோக்குவதில் உண்டாகும் குழப்பம் கருத்துக்களை கருத்துக்களால் முகம்கொடுக்கவும் முதன்மைபடுத்தவும் இயலாமை உண்டாகின்றதை பொதுவெளி சமூக ஊடகங்கள் தொடக்கம் மக்கள் மன்றம் வரை அவதானிக்கும் அவமான நிலை தோற்றம்பெற்றுள்ளது.

சமகாலங்களில் இயக்கம், கொள்கை சார்ந்த கருத்து சிந்தனை போராட்டங்களை தனி மனித வாழ்வுடன் ஒப்பியல் ஆய்வு செய்யும் மனப்பாங்கு ஏற்பட்டதன் தாக்கத்தின் விளைவு தனிமனித கருத்து சுதந்திரம் பறிக்கப்பட்டது மாத்திரமன்றி பெரும்பான்மை சமூகத்தின் அடக்குமுறை தோற்றம் பெறவும் வழிவகுத்தது எனலாம்.

யார் கூறுகின்றார் என்பதை நோக்கிலும் பார்க்க எதனை கூறுகின்றார் நோக்கும் போக்கும் எம்மவர் அநேகரிடத்தில் அநாகரியமகவே அமிழ்படுத்தப்பட்டுள்ளது. இதன் தாகத்தால் பலரின் சிந்தனை, கருத்துக்கள், ஆய்வுகள் மற்றும் ஆலோசனைகள் வெளிப்படாமலே புதையுண்டு போகும் போக்கு இஸ்லாமிய சமூகத்தினை ஆட்கொண்ட ஒருவகை தொற்றுநோய் எனலாம்.

கருத்து முரண்பாடுகளை உள்ளக காரணிகளையும் காரணங்களையும் அடிப்படையாக்கொண்டு ஆயும் சிந்தனை மனப்பாங்கு மாற்றம்பெற்று பொது சிந்தனையுடன் கூடிய நடுநிலை பகுப்பாய்வு பரவலாக்கம் பெறவேண்டும்.

நான் என்பது தனியன் என்றபோதும் நானாக தொடர்ச்சியாக இயக்கத்தில் அமையப்பெற்ற மாற்று தனியனின் தொடர்புடமையும் இடையறா தொடர்ச்சியும் வேண்டப்பாடாக அமைகின்றது. கருத்து முரண்பாடுகளை கருத்துக்களாக மாத்திரம் நோக்கும் மனப்பாங்கு வேண்டும். காரணம் கருத்துக்கள் ஒன்றின் நாம் முரண்பட்டாலும் கருத்துக்கள் பலவற்றில் ஒன்றித்து இயங்குகின்றோம் என்பதை நினைவில் கொள்ளவும்.....