உங்கள் உதவிகளை கொண்டு பிச்சைக்காரனாக மாற்றாதீர்கள்

(கடந்த காலத்தில் களத்தில் பாதிப்புற்றவன் என்ற வகையில் இம்மடல்......)

பள்ளிவாயலை நாளை அழகுபடுத்தலாம்......
முதலில் பள்ளிக்கூடங்களை புதுப்பியுங்கள்.....

பொருளாதாரத்தில் ஓரளவு முன்னேறிய சமூகமான நாம், கல்வியில் பேரளவு பின்தங்கிய சமூகமாக காட்சிதருகின்றோம். இதற்கான காரணம் நாம் #வகுத்த_மார்க்க_வரையறைகள்.

ஸகாத்தும் ஸதகாக்களும், வஸீயத்தும் ஸதகத்துள் ஜாரியாவும் குறுகிய மனப்பாங்கு அடைந்ததும், மதவாதம் கொண்டு நோக்கியத்திலும் நானும் நீங்களும் விதிவிளக்கன்று.

அண்மையில் பாதிப்புற்ற எமது உறவுகளுக்கும் அவர்களின் சொத்துக்களுக்கும் ஏற்பட்ட நஷ்டயீட்டை நிபர்த்திசெய்ய அவர்களுக்கு உதவும் நாம் அவர்களை தொடர்ந்தும் கையேந்துக் சமூகமாக மாற்றிவிட முனையாதீர்கள்.

பொருளாதார பலவீனம் ஒருவனை கடவுளுக்கு எதிராக தூண்டும் ஆயுதம். அவ்வாயுதம் ஏந்தும் நிலைக்கு நாளைய தலைமுறையை உண்டாகாது அவர்களுக்கு கொடுக்கும் மிகப்பெரும் உதவியான அவர்களின் சிந்தனை எழுச்சியை தூண்டும் காரணிகளை வழங்குவதில் சற்று கரிசனைகொள்ளுங்கள்.

அந்தவகையில் உங்கள் உதவிகளின் பெரும் பகுதியை கல்விக்காக ஒதிக்கிடுங்கள். காரணம் பல கற்றல் தாகமுள்ள மாணவர்கள் தாக்கப்பட்டு இருக்கலாம். நாளை அவர்களே அந்த சமூகத்தை வழிநடத்த வேண்டியவர்கள். அவர்களை இன்றைய உங்கள் உதவிகளும் அனர்த்த செயற்பாடுகளும் முடமாக்கிடவேண்டாம். அன்று பாதிப்புற்றவன் என்ற அடிப்படையில் இன்று வாய்திறக்கின்றேன்.

கல்வி ரீதியான உதவி மிகப்பெரும் பயனுள்ள தர்மமாகும். இதனை மேற்கொள்ளும் கூட்டம் எம்மத்தியல் சற்று குறைவே.