மன்னிக்க வேண்டும் உலமாக்களே.....

உங்களின் கருத்தில் குறைபாடு....

முதலில் 7 வருட ஏட்டுப் படிப்பில் மதப்போதகன் என்ற பட்டம் கொடுக்கும் நிலைமை மாறவேண்டும். இதன் தாக்கமே ஆய்வுகள் அற்ற முடிவும் தேடல் அற்ற சிந்தனையும் சமூகத்தை சீரழிக்கும் கருத்துக்கள் பதிவுகளும் முன்னெடுப்புக்களும் அரங்கேற ஏதுவாகின்றது.

மதிரஸா மாணவர்களும் ஒருவகை பாடசாலை மாணவர்களே. அவர்களுக்கு வெளியுலக கற்கையை சற்றுக் கற்றுக்கொடுங்கள். இனியும் தூசி தட்டப்படாத ஏடுகளில் உள்ளதை கொண்டு போதிக்காமல் நவீனத்துவத்துடனா கற்கையினை அல்குர்ஆன் அஸ்ஸுன்னா கொண்டு அறிமுகம் செய்யுங்கள். அவர்கள் சமகால சூழலில் போட்டிபோடவேண்டிய நிலைமைக்கு ஆளாகியுள்ளார்கள்.

அங்கே சமகால அரசியல், உலகளாவிய முஸ்லிம் நடைமுறை, செய்தி பத்திரிகை ஊடகத்தை உபயோகிக்க வழிவிடுங்கள். நீங்கள் கல்வியை திணிக்க முயலுகையிலே அவைகள் உடைய முனைகின்றது.

நபி முஹம்மத் (ஸல்) அவர்களுக்கு 40 வயதில் பிரச்சார பணியை இறைவன் ஒப்படைத்தான். இறைவன் ஏன் நபி அவர்கள் இளைஞ்சனாக இருந்த போது வழங்கவில்லை. காரணம் சமூகத்தில் அனுபவ ரீதியாகவே ஒருவன் அதிகம் கருக்கொள்கின்றான் என்பதுவே. (வயதெல்லை அனுபவ முதிர்ச்சி)

இதனை புரிந்துகொண்டால் அனைத்து பிரச்சினையும் தீர்ந்துவிடும். வெள்ளாடை அணிதவரும் 7 வருட ஏட்டுக்கல்வியும் மேடை பிரச்சாரத்துக்கும் மதப் போதனைக்கும், சமூகத்தை வழிநடத்தவும் தகுதியான காரணி என்று தீர்மானிக்க மாட்டார்கள்.

என்னை பொறுத்தமட்டில் இஸ்லாத்தில் மதப்போதகன் என்ற தனித்துவ பிரிவினை இல்லை. எவன் உலகையும் இறைவனையும் கற்று கற்பிக்கின்றானோ அவன் மதப்போதகனே.